Sumi najugaqarneq apeqqutaalluni kinguaassiornerit assigiinngitsorujussuupput

Kinguaassiornerup appasissusaa pissutaalluni ukiut pingajussaat inuit amerliartunngillat. Sumi najugaqarneq apeqqutaalluni kinguaassiorneq assigiinngitsorujussuuvoq taamaanneralu kinguaassiornerup agguaqatigiissinneranut sunniuteqarpoq.

 

Najugaqarfinnut allanut naleqqiullugu Nuuk ikinnerpaanik kinguaassiorfivoq. Tamannali nutaajunngilaq. Ukiut kingullit qulit ingerlaneranni nuna tamakkerlugu kinguaassiornernut sanilliullugu 83 pct.-imiissimavoq (nuna tamakkerlugu kinguaassiorneq 100 pct.-imiippat Nuummi kinguaassiorneq 83 pct.-imiissaaq). Tasiilami akerlianik kinguaassiorneq qaffasinnerujussuuvoq. Kommunini najugaqarfinnilu assigiinngitsuni kisitsisit taakkununnga tunngasut Kisitsisaataasivitsinni takukkit.

 

Kommuunini najugaqarfinnilu ataasiakkaani kinguaassiorneq 2005-2014

Kisitsisit Kisitsisaataasivimmi takukkit ( http://bank.stat.gl/benbbrf )